تارت بالشمبنيون و السفنارية

- في مقلاة سخونة نقليو البصل في الزيت.

- نذبلو معاه السفنارية.

- نزيدو عليهم الشمبنيون ونخليوهم يتقلاو مليح.

- نحطو معاهم الدجاج مقصوص ونفوحوهم بالثوم المرحي والملح والفلفل الأكحل.

- نعملو على الخليط متاعنا رشة معدنوس.

- ناخذو عجينة مورقة ونقصوها في شكل دوائر وندهنو الأطراف بالماء.

- نحطو الخليط الي حضرتاه ونسكرو بطبقة أخرى.

- ندهنو العجينة من الفوق بأصفر عضمة.

- نرصفو كعبات التارت متاعنا في طبق وندخلوهم للفور لمدة 20دق على 200°.