تارت الطماطم والريكوتا

طريقة التحضير :

1. في طبق متاع الفور نحطو الطماطم السوريز والثوم وعرف اكليل.
2. نفوحو بشوية اوريغانو.
3. وشوية ملح وفلفل اكحل.
4. نصبو شوية زيت.
5. وندخلو الطبق للفور مدة 20 دقيقة على 180 درجة.
6. توا في صحفة اخرى نحطو الريكوتا والعضم.
7. ونفوحو بشوية ملح وفلفل اكحل.
8. نخلطو مليح.
9. نحلو عجينة مورقة توا في طبق ونحيو الاجناب وننقبوها بالفرشيطة.
10. نصبو فيها خليط الريكوتا وندخلوها للفور مدة 25 دقيقة على 180 درجة.
11. مبعد ما طابت التارت نزينوها بالطماطم الطايبة في الفور, نعملو رشة جبن تستوري ونجمو نصبو فوقها صوص الطماطم (اختياري). وصحة وبالشفاء.