Pain de mie بالشوفان

- في صحفة كبيرة نحطو الفارينة والشوفان.

- نزيدو رشة ملح.

- نزيدو السكر البني.

- نصبو الزيت.

- نصبو الماء السخون.

- ونخلطو.

- نزيدو الخميرة.

- ونكملو نخلطو.

- نغطيو الصحفة ونخليوها تخمر مدة 10 دقايق.

- نصبو بقية الفارينة.

- ونعجنو.

- نغطيوها ونرجعوها تخمر مدة ساعة.

- نفرغو الهواء مالعجينة هكا.

- نحلوها بالقلقال كيما هكا.

- نروليوها.

- ونحطوها في قالب الكايك.

- نعاودو نخليوها تخمر مدة ساعة.

- ندهنوها بشوية ماء.

- نرشو شوية شوفان من فوق ونديروها للفور مدة 35 دقيقة على 180 درجة.

- نخليوها تبرد شوية قبل ما نقصوها.