ميني تارت بالسردينة

- في صحفة كبيرة نحطو الفارينة والزبدة، نبثبثوهم مليح ونزيدو شوية ملح وماء، نعجنو ونخليوها ترتاح 30 دقيقة في الفريجيدار.

- نحلو العجينة متاعنا ونقسموها بقالب مدور، نرصفوهم في طبق وننقبوهم بالفرشيطة.

- ندخلوهم للفور مدة 12 دقيقة على 180 درجة.

- نقليو شوية بصل في الزيت، نصبو طماطم مدششة ونزيدو ثوم، حبق شايح، زعتر، فلفل أحمر، ملح وفلفل أكحل وشوية ماء، ونخليوها تاخو غلوة.

- نحطو الصوص فوق التارتولات، نحطو كعبات سردينة حكك، شوية بصل أخضر، زيتون، فلفل بر العبيد، طماطم سوريز وشوية شبت. صحة وبالشفاء.