طاجين نعناع

- في مقلاة على نار هادية، صب زيت زيتونة، اللحم البقري، البصل المهروش، رأس حانوت، ملح و فلفل أسود. حركهم شوية و خليهم يتقلاو.

- زيد توا اللوبيا المنفخة، معجون الطماطم، فلفل زينة و ماء. خلطهم شوية و خليهم إيطيبوا لمدة ساعة تقريباً.

- وقت ينشح الخليط مالماء نحيه من فوق النار و خليه يرتاح على جنب.

- في صحفة كبيرة، حط النعناع المقصوص، الجبن المرحي، فتات الخبز، البيض، زبدة ذائبة، زيت زيتونة، فلفل أسود و ملح.

- و خلطهم مليح مع بعضهم بخلاط يدوي.

- صب توا الخليط الكل في قالب الطاجين متاعك و دخلوا للفور لمدة 20 دقيقة تحت 180 درجة حرارة. و صحة و بالشفاء.