خبز التوابل بالشكلاطة

- في صحفة كبيرة، حط الفارينة، بيكاربونات الصودا، خميرة مرطبات و شوية ملح. خلطهم مع بعضهم و خليهم على جنب.

- على نار هادية، صب الماء و السكر و العسل. و خلطهم مع بعضهم.

- خلي الخليط حتى لين يغلي و بعد نحيه من فوق النار.

- زيد توا للخليط قشور الليمون، قشور الكليمنتين و الزبدة. خلط حتى لين تذوب الزبدة. خلي الخليط يبرد لمدة 60 دقيقة.

- صفي توا الخليط و زيدو لخليط الفارينة.

- خلط كل شيء مع بعضو مليح.

- صب توا الخليط الكل في قالب كايك مربع. دخل الطبق للفور لمدة 15 دقيقة على 180 درجة حرارة.

- على نار هادية، ذوب السكر و الجوز.

- أقعد خلط حتى لين ايولي الخليط كراميل.

- زيد توا الكاكاو و خلط شوية. و بعد نحيه من فوق النار.

- توا ذوب الشكلاطة في الميكرووند و إلا على حمام مريم.

- زيد الزيت النباتي للشكلاطة الذائبة. و خلطهم مع بعضهم.

- و خليهم على جنب.

- توا بقلقال فتفت الجوز بالكارميل مليح.

- أقسم الكايك بعد ما تبرد على جزئين.

- إحشي الكايك بمعجون البرتقال.

- و توا الجزء الثاني مالفوق.

- توا زين الكايك بالجوز بالكارميل و الشكلاطة الذائبة. و تبنن و صحة و بالشفاء.