بسكويت بالزبدة والقارص

طريقة التحضير :

1. في كاسارونة نحطو السكر والنشاء.
2. نزيدو اصفر البيض.
3. ونخلطو.
4. نزيدو قشور القارص.
5. نصبو عصير القارص ونخلطو.
6. نحطو الكاسارونة على النار ونقعدو نحركو حتى لين نتحصلو على كريمة.
7. عالبارد توا نحطو الزبدة ونكملو نخلطو.
8. في صحفة كبيرة نحطو جبن كريمي وزبدة طرية ونخلطوهم.
9. نزيدو السكر وسكر فانيليا.
10. ونكملو نخلطو.
11. نزيدو توا عضمة واصفر عضمة.
12. ونخلطوهم.
13. نصبو توا الفارينة.
14. نزيدو الخميرة وشوية ملح.
15. ونخلطو.
16. نحطو كعبورة مالخليط متاعنا في السكر المحور وندوروها مالجهات الكل.
17. نحلوهم بادينا ونحطوهم في طبق.
18. نعملو حفرة في وسط كل كعبة ونحطو فيها كريمة القارص متاعنا.
19. ندخلوهم للفور يطيبو مدة 12 دقيقة على 165 درجة. وتمتعو بالبنة صحة وبالشفاء.