بريوش رولي محشي بالشكلاطة

طريقة لتحضير :

1. في صحفة كبيرة نحطو الفارينة والسكر وشوية ملح.
2. نزيدو توا الخميرة.
3. نحطو عضمة ونصبو حليب سخون.
4. نبداو نعجنو.
5. نزيدو الزبدة.
6. ونكملو نعجنو.
7. نغطيو العجينة ونخليوها تخمر مدة ساعة.
8. نفرغو الهوا كيما هكا.
9. نحلو العجينة متاعنا بالقلقال.
10. نقسموها على شكل مستطيلات متساوية.
11. نحطو كل 3 مستطيلات فوق بعضهم بشكل متدرج.
12. نروليوهم بالطريقة هاذي.
13. نحطوهم في قالب كاب كايك وندهنوهم بعضمة مركوضة.
14. ندخلوهم للفور مدة 20 دقيقة على 180 درجة.
15. نعبيو كل كعبة بالشكلاطة البنينة وصحة وبالشفاء.