خبز طري بالدجاج الفاوح والجبن

طريقة التحضير :

1. في صحفة صغيرة نخلطو الخميرة مع شوية حليب دافي ونخليوهم يخمرو مدة 10 دقايق.
2. توا في صحفة كبيرة نحطو الفارينة وشوية سكر وملح.
3. نزيدو شوية اوريغانو.
4. نزيدو عضمة وياغورط طبيعي.
5. نصبو توا حليب دافي.
6. نصبو خليط الخميرة والحليب.
7. ونبداو نخلطو.
8. نصبو توا شوية زيت.
9. ونعجنو.
10. نزيدو نصبو شوية زيت من فوق.
11. نغطيو الصحفة ونخليو العجينة تخمر مدة ساعة.
12. توا في مقلاة نسخنو شوية زيت ونقليو البصل والثوم.
13. نزيدو الدجاج ونقليوه شوية.
14. نفوحو توا بشوية : كركم, زنجبيل,كمون, فلفل أحمر, كاري, ملح وفلفل اكحل. ونخلطو كل شي مليح.
15. نزيدو توا فلفل اخضر.
16. نزيدو موزاريلا.
17. نصبو الكريمة السائلة ونخلطو.
18. توا نفرغو الهواء مالعجينة كيما هكا.
19. نقسموها لكرات صغار بالشكل هذا.
20. ننزلو على كل كعبورة بالكاس.
21. نعبيوهم بالخليط متاعنا ونزيدو فلفل برالعبيد من فوق كان نحبو عالتوزويزة.
22. نعملو رشة جبن من فوق.
23. ندهنوهم باصفر عضمة وشوية حليب.
24. نرصفوهم في طبق وطول للفور مدة 15 دقيقة على 180 درجة.