بطاطا في الفور بالشمبنيون

طريقة التحضير:

1. في طبق متاع فور نحطو كعبات بطاطا وندهنوهم بشوية زيت وشوية ملح وفلفل اكحل. وديراكت للفور مدة 45 دقيقة على 200 درجة.
2. توا في مقلاة سخونة نقليو الشمبنيون ونفوحوه بشوية ملح وفلفل اكحل.
3. نقسمو البطاطا بالطريقة هاذي.
4. نفرغو البطاطا.
5. نزيدو للبطاطا الي فرغناها جمبون مدخن, الشمبنيون المذبل, معدنوس, جبن مبشور, فلفل برالعبيد, ملح وفلفل اكحل.
6. ونخلطو كل شي مليح.
7. نعبيو البطاطا بالخليط الي حضرناه.
8. نزيدو نحطو جبن وشمبنيون من فوق.
9. نرصفوهم في طبق ونعاودو ندخلوهم للفور مدة 10 دقايق على 200 درجة. وصحة وبالشفاء.