في صحفة كبيرة نحطو سكر بني, سكر فانيليا, شوية ملح وعضمة.

ونخلطوهم مليح.

نزيدو الزبدة.

ونكملو نخلطو.

توا نحطو الفارينة, بيكاربونات, شكلاطة بالحليب وشكلاطة بيضة.

نزيدو بوفريوة مهروشة.

نخلطو ونخليو العجينة متاعنا تبرد مدة ساعة.

نعملو كعابر صغار ونحطوهم في طبق وديراكت للفور مدة 12 دقيقة على 180 درجة.

توا للبراليني نخلطو عجينة البوفريوة مع شكلاطة للطلي.

نحطو البراليني فوق الكوكيز ونزيدو نزينو بالشكلاطة.

نحطو شوية زوزة ولوز وصحة وبالشفاء.