لاير كايك بالفراز والتوت

طريقة التحضير:

1. في صحفة كبيرة نحطو زبدة، سكر، زيت نباتي وقشور قارص.
2. نعملو رشة ملح.
3. ونخلطو.
4. توا نزيدو العضم بالكعبة بالكعبة.
5. ونقعدو نخلطو.
6. نصبو الكريمة السائلة.
7. ونخلطو.
8. توا نزيدو الفارينة وخميرة القاطو ونخلطو.
9. نحطو الخليط متاعنا في قالب مدور وديراكت للفور مدة 45 دقيقة على 180 درجة.
10. توا للسيرو متاعنا نصبو الماء.
11. نزيدو السكر.
12. ونخليوهم ياخذو غلوة.
13. لكريمة الزبدة نحطو ابيض العضم والسكر ونخلطو.
14. نحطو الصحفة على حمام مريم ونخلطو.
15. نهبطو الصحفة مالنار ونركضوها بالركاضة الكهربائية حتى لين تبرد.
16. عالبارد توا نزيدو الزبدة على مراحل.
17. ونقعدو نخطو.
18. نزيدو قشور قارص.
19. ونخلطو.
20. توا نقسمو القاطو متاعنا على اثنين.
21. ندهنوه بالسيرو.
22. نحلو فوقو الكريم.
23. نحطو الطبقة الثانية مالقاطو.
24. ندهنوها بالسيرو.
25. ونغلفو القاطو بالكريمة.