برشة ناس كي يحضرو السلاطة، لكن وقت التقديم يلقاوها ذابلة ! وتعرفشي السر في ذابلانها ؟ التفويحة وإلا التتبيلة ! هاو شنو تعمل باش السلاطة تبقى مقرمشة و فرشكة : 🔹 قطّع الخضرة وخليها ترتاح بعد ما تقص الطماطم، الخص، الخيار... خليهم في صحن مغطى من غير ما تزيد التتبيلة. 🔹 ما تحطّش التتبيلة بكري الملح، الخل، الزيت، القارص... كلّهم يسحبوا الماء من الخضرة، ويخلّيوها تذبل. 🔹 تتبّل في آخر لحظة وقت تجي باش تقدّمها، زيد التتبيلة وقلّبها بخفّة. هكا تبقى السلاطة طرية ومنعشة. 🔹 نصيحة إضافية ؟ إذا كنت باش تجهّز السلاطة قبل بوقت، خبي الخضرة والتتبيلة كل واحد وحدو في الثلاجة، وركّبهم وقت التقديم فقط. 📌 والنتيجة ؟ سلاطة فرشكة وتحفونة ! 🥗✨