الحوض تسدّ؟ هاو كيفاش تسرحو بمكونات طبيعية ومن غير ما تكلّف روحك! الخلطة السحرية: البيكاربونات، والخل جيب نص كاس بيكاربونات (Bicarbonate de soude) وإذا ما عندكش تنجم تعوضو بملح الليم. حضّر كاس خل أبيض. الطريقة خطوة بخطوة: أول حاجة، صب طنجرة ماء سخون يغلي في العين اللي تسدّت باش تذوّب شوية من ليدام. بعدها، رشّ البيكاربونات (وإلا ملح الليم) وسط العين. صب فوقهم كاس الخل الأبيض.. لهنا باش تشوف رغوة وتسمع صوت تفاعل، هذاك هو اللي باش يفتفت السدّاد (البوشون). غمّ العين بمغطى وخليها ترتاح مدة 30 دقيقة. بعد ما تتعدى النص ساعة، صب طنجرة أخرى متاع ماء يغلي باش "تكنس" الأوساخ اللي تفتفتت الكل