في صحفة كبيرة، نحطو العضم، ياغورط طبيعي مستقطر، شوية ملح، شوية فلفل اكحل ونخلطو. توا نحطو دجاج مقصوص كيما هكا في الخليط ونخلطو. نلفو الدجاج في الفارينة، مبعد في العضم ومبعد في الشابلير. نقليوهم في زيت سخون حتى لين يحمارو. للصوص متاعنا نصبو شوية زيت، فلفل احمر، تابل ونخليوهم ياخذو غلوة. نزيدو هريسة عربي، شوية ماء، نخلطو ونخليوهم ياخذو غلوة مرة اخرى. توا نزيدو الثوم، ياغورط طبيعي مستقطر، شوية ملح وفلفل اكحل ونخلطو. نقدمو الدجاج سخون مع الصوص وصحة وبالشفاء.