في صحفة كبيرة نحطو زبدة طرية، اصفر عضمة ونخلطو مليح. نزيدو سكر بني، ملح ونكملو نخلطو.

توا نحطو فارينة، لوز مرحي، خميرة قاطو ونخلطو.

توا نحطو العجينة متاعنا في طبق ونرصوها بكاس وديراكت للفور مدة 17 دقيقة على 180 درجة.

للكريمة متاعنا نحطو عضمة، سكر بني، سكر فانيليا ونخلطو.

توا نزيدو النشاء ونخلطو. نصبو توا حليب دافي بالشوية بالشوية ونقعدو نخلطو.

توا نصبو الخليط متاعنا في كاسارونة عالنار ونقعدو نحركو حتى لين نتحصلو عالقوام هذا.

نغطيو الصحفة ونخليو الكريمة تبرد مدة ساعة في الفريجيدار.

في صحفة اخرى توا نركضو مسحوق الشانتيه والكريمة الباردة.

نزيدو عليهم الكريمة متاعنا ونخلطو.

نزينو التارت متاعنا بالكريمة.

ونزيدو نشخشخوها بالمشماش. وصحة وبالشفاء.