في صحفة كبيرة نحطو زبدة، سكر، سكر فانيليا، رشة ملح ونخلطو كل شي مليح. توا نحطو اصفر العضم ونكملو نخلطو.

نحطو الفارينة، خميرة قاطو ونخلطو حتى لين نتحصلو على القوام هذا ونخليوه يرتاح مدة ساعة في الفريجيدار.

توا نحطو العجينة متاعنا في قالب مدور ونستويوها بكاس وديراكت للفور مدة 20 دقيقة على 180 درجة.

توا للغاناش متاعنا نحطو شكلاطة بيضة ونصبو عليها كريمة سائلة سخونة ونخلطو حتى لين تذوب الشكلاطة.

نغطيو الصحفة ونخليوها تشد روحها مدة ساعتين.

نزيدوها جبن كريمي ونخلطو.

توا نزينو التارت بالغاناش متاعنا ونحطو كعبات عنب مزيانين وصحة وبالشفاء.